Parampuan Minang

Taratik jo sopan..baso jo basi.... tau di ereng jo gendeng,,,,raso jo pareso manaruah malu jo sopan, manjauhi sumbang sarato salah, muluik manih baso katuju, kato baik kucindam murah, bagulu di bibia basantan di muko, pandai bagawa samo gadang, patuah jo taat ka ayah bundo, hormat jo khidmat ka nan tuo2, mamakai malu jo samo gadang talabih ka laki2, takuik kapado Allah manuruik parintah Rasul, , tau di korong jo kampuang, tau di rumah sarato tanggo, tau manyulam jo marendo, tau di budi ka tajua, malu dipaham ka tagadai, tau di mungkin sarato patuik, ba bayang2 sapanjang badan, malatakkan sasuatu di tampeknyo, buliah di tiru di tuladan, ka suri tuladan kain, ka cupak tuladan batuang, maleleh buliha di palik, manitiak buliah ditampuang, satitiak buliah di lawikkan, sakapa dapek di gunuangkan, iyo dek urang dalam nagari.